Durdnosis Gilbbesjávrái ollán váldogeainnu 21 dorvvolašvuohta ja johtalusa njuovžilvuohta buorránit, go geaidnu buoriduvvo ja govddiduvvo guovttis Geaidnodoaimmahaga geaidnofidnus. Seammás go dálkkiid beales sáhttá, geassemánu álggus jáhkkimis, álgá Áillahasluovtta ja Gilbbesjávrri gaskka geaidnooasi buorideapmi. Bálojohnjálmmi ja Jáhtona gaskka geaidnooasi buoridišgohtet áramustá jagi loahpas.
Váldogeaidnu 21 guoras Eanodaga gielddas lean geaidnooasit Bálojohnjálmmi ja Jáhtona sihke Áillahasluovtta ja Gilbbesjávrri gaskka oasit leat oassin riikkaviidosaš váldogeaidnofierpmádagas. Váldogeaidnu 21 lea dehálaš johtolat riikamet fuolahansihkkarvuhtii ja lossa johtalusa fievrredemiide Davvi-Norgii ja Jiekŋamerrii. Fidnuin, mat farga álggahuvvojit, main buoridat geaidnoosiid, leat oassi dán johtolagas, mii ii dálá dilis deavdde váldogeainnuide ásahuvvon bálvalandássegáibádusaid.
Buorideami vuollásaš geaidnooasit leat seakka, heajos ortnegis ja daid johtalusdorvvolašvuohta lea riikkadási gaskaárvvu vuolábealde. Tráilarat česset dávjá eret luotta alde dálvet. Goappáge fidnu mihttomearri lea buoridit johtalusa dorvvolašvuođa ja njuovžilvuođa.
”Guvllolaččat vurdojuvvon fidnuid beassat farga álggahit. Bargu dahkko máŋggaid jagiid, ja eandalii geasseáigodagat ávkkástallojuvvojit dárkilit geaidnobargguide”, muitala prošeaktaoaivámuš Keijo Heikkilä Geaidnodoaimmahagas.
Vuos ollašuhtto Áillahasluovtta ja Gilbbesjávrri gaskka 4,2 kilomehtera guhkkosaš geaidnooasi buorideapmi.
”Geaidnu govddiduvvo ja dan geometriija buoriduvvo boahtte geasi áigge. Ođđa geainnu govdodahkan boahtá 8 mehtera. Barggut álget miessemánu loahpas ja gárvvásmuvvet jagi loahpas. Bargguin šaddá muhtun veardde hehttehus johtalussii ja eandalii luomuid áigge lea sivva ráhkkanit muhtun dási maŋŋonemiide bargoguovllus”, muitala Heikkilä.
Fidno golloárvvoštallan lea sulaid 5 miljon euro. Agoartaváldin lea válljejuvvon Maarakennus Kamara Oy.
Bálojohnjálmmi ja Jáhtona gaskka geaidnooasi buorideapmi álgá maŋŋelis
Váldogeainnu buorideapmi ovdána maiddái nuppi oasis, go Bálojohnjálmmi ja Jáhtona gaskka geaidnooassi lea ožžon 30 miljon euro ruhtadeami. Buorideapmi álgá áramustá jagi loahpas, ja gárvvis lea čakčat 2028. Buorideami vuollásaš geaidnooasi guhkkodat lea sulaid 30 kilomehtera. Agoartagilvu lea báraáigge jođus, ja agoartaváldi válljejuvvo miesse-geassemánu doajáhagas. Váldogeainnu 21 buoridandoaimmat gullet Geaidnodoaimmahaga investerenprográmmii jagiide 2025–2032.
Lassedieđut:
Keijo Heikkilä
Prošeaktaoaivámuš, Geaidnodoaimmahat
tel. 029 5343 582
keijo.heikkila@vayla.fi
Fidnut neahtas
https://vayla.fi/vt-21-ailakkalahti-kilpisjarvi-enontekio
https://vayla.fi/vt-21-palojoensuu-jatuni